فلسفة شـــاعــــر

قالوا الشقاء وشهو الشقاء ؟ قلت الشقاء ظلم السنيين
(أحدن يمر ويتعب)..(وأحدن يمر ويقهره (
قالوا الحزن وشهو الحزن ؟ قلت الحزن .. دمعه وعين
أحدن قوي .. ويصطبر.. وأحدن تبلل محجره !!
قالوا الوفاء .. وشهو الوفاء ؟ قلت الوفاء .. مسالم يدين
واللي يغدر في صاحبه .. عاد الليال بتغدره !!
قالوا الجفاء .. وشهو الجفاء ؟ قلت الجفاء .. قسوه ولين
يما تغلى صاحبك .. و يما ملقيك أظهره !!
قالوا الوصل .. وشهو الوصل ؟ قلت الوصل.. ماله وزين
يبري جروح ما برت .. والعفو عند المقدره !!
\قالوا الأمل.. وشهو الأمل ؟ قلت الأمل .. في نظرتين
أحدن يحاول يكسبه .. وأحدن يخاف أن يخسره !!
قالوا الرجاء .. وشهو الرجاء ؟ قلت الرجاء .. قلب حزين
يمشي على تراب الأمل ’’ ويخاف لا يسفى ثره
قالوا الوجيه .. اشهي الوجيه ؟ قلت .. هي من جانبين
(وجه يزينه العفاف)..(ووجه زين بمظهره)
قالوا الحكي .. وشهو الحكي ? قلت الحكي .. ما بين بين
خير الحكي ما قل دل .. وزبدة القول (أثمره)
قالوا الخجل .. وشهو الخجل ؟ قلت الخجل .. بالعام زين
* بس الخجل لا سار دون الحق .. خزي ومحقره
قالوا الزمن .. وشهو الزمن ؟ قلت الزمن .. في ساعتين
ساعة طرب نفس وهوى .. وساعة خشوع وتذكره
قالوا الغلا .. وشهو الغلا ؟ قلت الغلا .. حبٍ دفين
والحب لا قد هو حقيقه ودك أنك تستره !!
قالوا الخطاء .. وشهو الخطاء ؟ قلت الخطاء .. الله يعين
أحدن ما لا خطاءه عذر .. وأحدن اليا أخطاء تعذره
قالوا المره .. وشهي المره ؟ قلت المره .. ضلعٍ لدين
يبقى على طول أعوج .. ومن جاء يعدله كسره !!
قالوا الرجل.. وشهو الرجل ؟ قلت الرجل .. في حالتين
أبختصرها والذكي لا جاه حكي يفسره
رجل سليط وكلمته ماهي تغدي لك كلمتين
** ورجل مع العالم رجل .. لكن مسيرته مره
مما راق لي